Umra ziyoratiga nimalar olish kerak: to'liq ro'yxat

Umra safariga birinchi marta ketayotganlar eng ko'p shu savolni beradi. Quyida — 10 yillik tajriba asosida tuzilgan ro'yxat: nima shart, nima foydali, nima ortiqcha.

Hujjatlar — eng muhimi

• Pasport — amal qilish muddati kamida 6 oy bo'lishi shart
• Viza (tashkilot tomonidan rasmiylashtiriladi, o'zingiz qilmaysiz)
• Aviachipta — elektron nusxasi telefonda va chop etilgan holda
• Sug'urta polisi (paketga kiradi)
• Pasport nusxasi — 2 nusxa alohida joyda saqlang
• Kichik rasm (3×4) — 2 dona, ehtiyot uchun

Ehrom va kiyim — erkaklar uchun

• Ehrom — 2 komplekt (bittasi zaxira). Yupqa, oq, tikilmagan mato
• Ehrom kamari yoki mahsus belbog' — pul va hujjat uchun cho'ntagi bor
• Oddiy kiyim: 3–4 futbolka, 2 shim, ichki kiyim (Makkada issiq)
• Sandal yoki shippak — ehrom holatida yopiq poyabzal kiyilmaydi
• Yengil krossovka — ziyoratlar uchun, ko'p yuriladi
• Yupqa jemper yoki kofta — masjidlarda konditsioner kuchli

Kiyim — ayollar uchun

• Uzun, keng, to'q rangli ko'ylak — 3–4 dona
• Ro'mol — 4–5 dona (tez kir bo'ladi)
• Namoz uchun alohida toza kiyim
• Qulay, yopiq va yengil poyabzal
• Paypoq — ko'p miqdorda
• Yengil kofta — masjid ichida sovuq bo'ladi

Dori-darmon — eng ko'p unutiladigan narsa

Makka va Madinada dorixona bor, lekin sizga tanish dorini topish qiyin va qimmat. Shuning uchun quyidagilarni uydan oling:

• Doimiy ichadigan dorilaringiz — butun safarga yetadigan miqdorda (qadoqda, retsept nusxasi bilan)
• Bosh og'rig'i va isitma tushiruvchi
• Oshqozon uchun: faol ko'mir, regidron, ich ketishga qarshi
• Tomoq uchun pastilka va sprey — konditsioner sabab tomoq og'riydi
• Plastir, bint, yara uchun malham — ko'p yurishdan oyoqqa suv yig'iladi
• Vitamin C va ko'p ichiladigan suv uchun elektrolit

Foydali mayda narsalar

• Quvvat bankasi (power bank) va uzun zaryadlovchi sim
• Adapter — Saudiyada rozetka boshqacha (turi G, uch tishli)
• Kichik sumka yoki ryukzak — Haramga olib kiriladigan
• Tasbeh, duo kitobchasi (biz beramiz)
• Quyoshdan saqlovchi krem va lab uchun balzam
• Ko'zoynak — quyosh kuchli
• Namoz to'shakchasi — ixtiyoriy, Haramda bor
• Qayta to'ldiriladigan suv idishi
• Ho'l salfetka va antiseptik

Nimani olmaslik kerak

• Atir, xushbo'y sovun, xushbo'y krem — ehrom holatida taqiqlanadi. Hidsiz vositalar oling
• Ko'p miqdorda pul naqd holda — kartadan foydalaning yoki ellikboshiga topshiring
• Og'ir chemodan — ziyoratlarda transport bilan ko'p yuriladi, yengil bo'lgani ma'qul
• Ortiqcha kiyim — Makkada arzon kir yuvish xizmati bor
• Ta'qiqlangan narsalar: spirtli ichimlik, cho'chqa mahsulotlari, dronlar, siyosiy va diniy bahsli kitoblar

Chemodan haqida amaliy maslahat

Aviakompaniya odatda 20–30 kg yuk va 7 kg qo'l yukiga ruxsat beradi — aniq miqdorni operatoringizdan so'rang. Qaytishda Zamzam suvi, xurmo va sovg'alar uchun kamida 5–7 kg bo'sh joy qoldiring. Ichki kiyim, dori va bir komplekt ehromni qo'l yukiga soling — chemodan kechiksa qiyналmaysiz.