Birinchi marta Umraga: bilishingiz kerak bo'lgan narsalar

Birinchi safar hayajonli va biroz qo'rqinchli. Aslida hammasi tartibli o'tadi — quyida kun bo'yi nima bo'lishini oldindan bilib olasiz.

1. Aeroportda

Guruh jo'nashdan 3 soat oldin Toshkent aeroportida yig'iladi. Xodimimiz ro'yxatdan o'tkazishda, yuk topshirishda va chegara nazoratida yordam beradi. Pasportingiz ellikboshida turadi — bu normal amaliyot.

2. Samolyotda va ehrom

Jiddaga uchsangiz, miqotdan o'tishdan oldin ehrom kiyiladi — ekipaj e'lon qiladi yoki ellikboshi ogohlantiradi. Madinaga uchsangiz, ehrom keyinroq, Zulhulayfa masjidida bog'lanadi.

3. Jiddaga yetib kelish

Chegara nazorati va biometrika — bu jarayon 1–3 soat davom etishi mumkin, sabr qiling. Keyin avtobus kutadi va Makkaga yo'l oladi (taxminan 1,5 soat).

4. Mehmonxona

Joylashuv, dam olish, keyin guruh bilan birinchi tavofga chiqiladi. Xonangiz raqamini va mehmonxona nomini telefoningizga yozib qo'ying.

5. Birinchi tavof

Eng hayajonli lahza — Kaabani birinchi ko'rish. Duo qiling: bu duo qabul bo'ladigan paytlardan biri deyiladi. Ellikboshi guruhni birga olib yuradi, yo'qolib qolmaysiz.

6. Namoz vaqtlari

Haramda namozga 30–40 daqiqa oldin borish kerak, aks holda joy topilmaydi va tashqarida o'qiysiz. Ayniqsa juma va tunda olomon ko'p.

7. Ovqatlanish

Paketda 2–3 mahal o'zbek taomi bor. Ovqat vaqtlari e'lon qilinadi — kechikmang, guruh birga ovqatlanadi.

8. Suv va issiq

Makkada harorat yuqori. Kuniga 2–3 litr suv iching. Zamzam nuqtalari Haramning hamma joyida — bepul. Quyoshdan saqlovchi krem va ko'zoynak oling.

9. Ziyoratlar

Dastur bo'yicha tarixiy joylarga boriladi: Nur va Savr tog'lari, Arafot, Mino, Muzdalifa, Jannatul Muallo. Paketga qarab Jidda va Toif ham bo'ladi. Avtobusda yuriladi, qulay poyabzal kiying.

10. Madina

Makkadan keyin (yoki oldin) Madina. Masjid an-Nabaviy, Ravza, Uhud, Qubo, xurmo bog'lari. Madina osoyishta — ko'p ziyoratchilar aynan shu yerni ko'proq yoqtiradi.

11. Xarid va sovg'a

Xurmo, tasbeh, atir, ro'mol — asosiy sovg'alar. Bozorda narx kelishiladi. Zamzam suvi aeroportda rasmiy qadoqda beriladi (bizning paketda 5 litr kiradi). Chemodanda 5–7 kg bo'sh joy qoldiring.

12. Eng ko'p uchraydigan xatolar

• Xushbo'y sovun/atirdan foydalanish — ehrom taqiqlanadi
• Noqulay yangi poyabzal kiyish — oyoq qavaradi
• Kam suv ichish — issiqda holsizlanish
• Guruhdan ajralib ketish — telefon va raqamlarni yonda saqlang
• Kuchga qaramay ortiqcha zo'riqish — ibodat qulaylik bilan qilinadi
• Telefonda ko'p vaqt o'tkazish — bu safar boshqa narsa uchun